Animación do posible parque eólico na Serra do Galiñeiro

Actividades

Podes consultar toda a información das actividades pasadas pinchando no botón "Actividades Pasadas".
19.10.2019
O sábado 19 de outubro a FGM celebrará o "Campionato Galego de Dificultade 2019", no rocódromo do Pazo de Feiras da cidade de Lugo.
O campionato supón a inauguración oficial do rocódromo de Lugo, que como xa sabedes, terá posibilidades de acoller competicións de formato olímpico. Nós comezaremos cun campionato de dificultade, modalidade que non podíamos desenvolver de acordo cos estándares actuais.
Poderán participar no campionato todas e todos os escaladores con licencia deportiva autonómica ou FEDME que teñan cobertas a especialidade de escalada, nas categorías senior e sub-18, feminina e masculina.
A programación básica será a seguinte:

10h: comezarán as clasificatorias que se desenvolverán durante toda a mañá. No caso dunha elevada participación, adiantarase o comezo da clasificatoria as nove.
18h: comezarán as finais de onde sairán as campioas e campións galegos de dificultade do 2019.
A entrega de premios celebrarase despois da publicación das clasificacións.

Anímadevos a participar

20.10.2019
SAÍDA DE BICI DE MONTAÑA: CUNTIS, AUGA E NATUREZA
Data: 20 de outubro
Hora: 9:30 h
Lugar: Balneario de Cuntis (Cuntis)
Nivel de dificultade: medio
Duración do percorrido: 4 horas (aprox)

O concello de Cuntis, a parte do balneario, conta cun encanto natural e uns restos megalíticos moi importantes. A saída terá comenzo e fin no mesmo punto, o balneario de Cuntis.
O percorrido, duns 30 quilómetros, non presenta moita dificultade técnica. A primeira parte do percorrido, descurre por terreo chan, ata chegar ás faldas do monte Xesteiras, o cal nos proporcionará unhas fermosas vistas.
Unha vez coronado o monte, descenderemos para voltar ao punto de saída.


20.10.2019
DATA: 20 de Outubro de 2019
LUGAR: Parque Nacional Illas Atlánticas - ILLAS CÍES
SAÍDA: 10:45h (estar na estación marítima ás 10:15h)
REGRESO: 19h de Cies
A ver se se cumple o refrán e á terceira vai á vencida.
Esta vez iremos pasar só o día xa que o camping esta pechado. Aproveitaremos para ver a illa no outono, realizaremos rutas á medida dos participantes, ollaremos aves e demáis bichos que se deixen ver, xogaremos, disfrutaremos do entorno e, sobre todo, da compaña.

HAI QUE LEVAR: comida, auga, gorra, crema solar, toalla, roupa de abrigo, calzado axeitado para camiñar... e moitas ganas de pasalo ben.

Non perdas esta ocasión, anótate!!!
Prazas limitadas!

PREZOS TRANSPORTE:
Nenos ata 4 anos: de balde
Nenos de máis de 5 anos: 4€ (socios) 6€ (non socios)
Adultos: 12€ (socios) 15€ (Non socios)

27.10.2019
DATA: 27 de Outubro
LUGAR: A Peroxa (Ourense)
SAÍDA: 08H00 dende o Concheiro (Praza de España)
*** LEMBRAMOVOS QUE O DÍA 26 CAMBIA A HORA
CHEGADA: 20H30 ao Concheiro (Praza de España)
PREZOS:
SOCIOS:18€ (16€ inscrición e pagado antes do 18 de outubro)
NON SOCIOS: 21€ (19€ inscrición e pagado antes do 18 de outubro)

Nesta segunda etapa camiñaremos acompañando o leito do Río Miño. Propoñemos unha ruta lineal duns 14 km. Partiremos dende a pequena Capela do Amparo pertecente a Carracedo (A Peroxa ), descenderemos polo PRG 179 entre bosques autóctonos ata o leito do río. Despois o acompañaremos pola súa beira augas enriba, para terminar na praia fluvial do río Bubal en Os Peares. Aquí será onde nos recollerá o autobús.

Animádevos!

01.11.2019
DATA: Do 01 ao 03 de Novembro
SAÍDA: 7h do Club o día 1
CHEGADA: 20h30 ao Club o día 3

Nesta ponte volvemos aos Ancares.
Propoñemos dúas opcións: Integral de Ancares e rutas de día

INTEGRAL: Cordal Ancares: Sairemos do Porto Ancares o venres para ir ata Piedrafita do Cebreiro. Polo camino faremos os picos Cuiña, Pena Longa, Monstallar, Lagos, Corno Maldito, Tres Bispos e Pena Rubia. Durmiremos onde caiga a noite. Chegaremos a tempo para comer en Pedrafita o domingo.
RUTAS DE DÍA
Ruta día 1: Porto Ancares e ata Burbia
Ruta día 2: Burbia - Campo del Agua- Burbia
Ruta día 3: Partimos de Burbia despois de almorzar, de camiño a Pedrafita a recoller os compañeiros de travesía, faremos o fermoso tramo do camiño Santiago de Herrería a Cebreiro e Pedrafita onde xantaremos todos xuntos e degustaremos un saboroso queixo do Cebreiro (agasallo do Club).

PREZOS AUTOBUS:
Socio: 35€
Socio sen licencia: 38€
Non socio: 42€
Socio ata 30 anos: 25€

PREZOS ALBERGUE-CAMPING BURBIA (Para os que fagan as rutas)
Noite:10€ (hai que levar o saco de durmir)
Almorzo: 4€
Media pensión: 24€ (hai que levar o saco de durmir)

Anímadevos!



09.11.2019
DATA: 9 de Novembro
LUGAR: Monte Aloia- Galiñeiro
COMEZO: 10H30 na Ermida das Neves (Erville)
REMATE: 18h00 no Refuxio
Esta Pequemarcha é a última da temporada.
Quedamos ás 10h30 na Ermida das Neves (na estrada que vai do Galiñeiro ao Monte Aloia). Dende alí faremos unha pequemarcha que nos levará ata a aldea de Prado.
Despois de xantar teremos a agardada carreira de orientación no Monte Aloia a carón do refuxio. E como todo bo magosto se merece remataremos a xornada con castañas, roscón e chocolate, no refuxio.
Para facer todo esto hai que traer (NON ESQUEZADES): 200gr de castañas, por familia, co corte feito para que non estoupen, unha cunca para tomar o chiculate. Xornais, para facer cucuruchos. (Papis/mamis, practicade na casa, que logo quedamos fatal)
ATENCIÓN: prazas limitadas. Por orde de inscrición. (que logo o chiculate non chega...)
PREZOS: Nenos socios, 1 (menores de 2 de balde). Non socios: 2€
Adultos socios club: 3€; Non Socios: 5€.
Por suposto, se os elementos non o permiten. Caso de suspensión ou aprazamento, colgarémolo na web e mandaremovos un e-mail

10.11.2019
DATA: 10 de Novembro
LUGAR: Monte Aloia
HORA DE COMEZO: 11h
HORA DE REMATE: 17h (Este ano pecharemos o refuxio ás 17h para que todo o mundo poida ir votar).

Un ano máis, celebraremos o Magosto Social no refuxio do Aloia. A partir das 11:00 horas faremos un paseo micolóxico de recoñecemento de setas guiados polos nosos compañeiros de A Zarrota, As 14:30 farase un xantar social. O menú estará feito con productos de tempada (cabaza, setas…) e elaborado polos e polas chefs da Zarrota e dos Montañeiros Celtas. De postre degustaranse as castañas asadas que algún ou algunha voluntaria preparará.

POR FAVOR, NON OLVIDEDES OS UTENSILIOS PARA COMER E BEBER

PREZO (comida, bebida e castañas):
SOCIOS: 1€.
NON SOCIOS: 7€



Camelias 78, Oficina K 36211     VIGO - Pontevedra
T: 986 438 505 F: 986 912 220 info@celtas.net