POLONIA, SUÍZA, FRANCIA, ESPAÑA, PORTUGAL, EE.UU...  son algúns dos países fotografados que se recollen entre as 40 fotografías seleccionas polo xurado do III CONCURSO DE FOTOGRAFÍA DE MONTAÑA organizado por MONTAÑEIROS CELTAS este ano, e que podemos ver na Casa do Libro de Vigo dende o 17 ata o 30 de decembro de 2004.
NEVE, XEO, NÉBOA, cascadas, estanques, lagos, ríos... son algunhas das distintas formas en que podedes ver a auga na exposición.
Con árbores, sen árbores, por dentro, por fóra, con luz natural, con luz artificial, con xente, sen xente... ben... mellor que vola conte, é que veñades vela... unha colección de 40 fotografías interesantes e variadas nas que poderedes gozar da montaña sen pasar nada de frío... bromas aparte... non a perdades. Moitos de vós participastes no concurso. Douvos as gracias en nome do club e de toda a xente que gozamos contemplando esas preciosas imaxes. Vémonos na "expo"... un saúdo,
 Isabel Maestu

Expedición de Chus á Antártida

Chus Lago iniciou unha nova aventura o pasado 16 de decembro ao embarcar cara a Antártida, vía Chile, xunto o seu amigo Miguel Ángel Vidal con quen xa ten compartido actividades alpinas. Intentará ascender en solitario o Monte Vinson, de 5.144 metros, podéndose converter na primeira española que alcanza este cumio. Despois, en compaña de Miguel, intentarán abrir unha nova ruta na mesma montaña, a Ruta Galfrío en agradecemento o seu patrocinador. Ten previsto o regreso a mediados do mes de xaneiro, e esperamos contar unha vez máis cun relato propio da súa expedición.
Desexámoslle moita sorte e BO NADAL.

Relevo na dirección da EGAM

O novo director da Escola Galega de Alta Montaña é Antonio Rodríguez Pena “Tony”, do Club Serra do Suido, dando relevo a Gustavo Vázquez Fariña “Gus”. Dende aquí, dámoslle os nosos parabéns a Tony e desexámoslle o mellor nesta nova etapa ao fronte da EGAM, e tamén queremos agradecer o traballo desenvolvido por Gus.
Na actualidade, a EGAM conta con 18 profesores en activo.

O Club estará pechado os venres 24 e 31 de decembro.
.
Exposición Fotográfica. Voto Popular

Os asistentes á nosa exposición da Casa do Libro, poden elixir as tres fotos que máis lles gusten, participando deste xeito na votación da Mellor Foto do Público, tendo a  oportunidade de gañar un cheque de 30 euros en material da tenda “VIGOFOTO Dixital” na rúa Regueiro (preto da Praza da Independencia). A foto gañadora desta votación será a que se utilice nos calendarios do ano 2006.
.
Recortes de prensa

Ao fin de ter un arquivo onde os socios podan consultar novas de montaña e do Club, solicitamos dos socios que cando atopen artigos en prensa relacionados coa montaña e o seu entorno, os deportes de montaña (incluíndo a bici, a espeleoloxía, descenso de barrancos, etc.) ou o Club, os achegue ao local social para incluír nunha carpeta a disposición dos socios.

Asemblea Xeral Ordinaria 2005

A Asemblea Xeral Ordinaria do vindeiro ano está previsto celebrala o día 25 de febreiro de 2005, polo que será convocada probablemente na reunión da Xunta Directiva do 24 de xaneiro, o que deberá ser tido en conta polos socios que queiran presentar Propostas a debater nesta Asemblea, ao efecto de ser incluídas na orde do día.
As Propostas dos socios deberán cumprir o establecido no artigo 25.6 dos novos Estatutos, polo que, de cumprirse o calendario previsto, deberán presentarse antes do 19 de xaneiro (como mínimo 5 días antes da convocatoria), para ter a seguridade de que serán debatidas na Asemblea Xeral Ordinaria.

Estatutos

Os novos Estatutos, que foron aprobados na Asemblea Xeral Extraordinaria do 21 de maio de 2004, foron validados con data 2 de decembro de 2004, polo Servizo de Deportes da Consellería de Familia, Xuventude, Deporte e Voluntariado da Xunta de Galicia, quedando inscritos no Rexistro de Entidades Deportivas de Galicia.
Con este Boletín axúntase un exemplar dos Estatutos.

Ficha actualización de datos

Con este boletín axúntase unha Ficha para a actualización dos datos dos socios. No caso de que os teus datos non sexan correctos ou estean incompletos e co fin de actualizalos no noso ficheiro, rogámosche que indiques os datos a corrixir ou ampliar. Tamén te solicitamos que nos achegues unha foto actual, tipo carné (mellor envíaa por e-mail).
Achegamos un sobre no que se deberá de introducir a Ficha unha vez corrixida, e a de todos os socios que abonen a cota de forma conxunta pola mesma conta bancaria (o sobre NON necesita selo. Tamén se pode empregar para achegarnos a foto carné) e depositala nunha caixa de Correos antes do 11 de xaneiro, entendéndose que de non recibila, os datos de que dispón o Club son correctos e non desexa amplialos. A Ficha tamén se pode obter na web do Club e enviala por e-mail, no mesmo prazo.

CAMPIONATO SOCIAL DE ESCALADA

    Lembrar que no próximo mes de febreiro terá lugar os días 11 e 18 a partires das 19.00 h no muro do club o primeiro campionato de escalada para socios e socias de 8 anos de idade en adiante. O prazo para anotarse remata o día 4 de febreiro.
 
 

Sábado,   8 de xaneiro      “Asemblea do Grupo de Exploracións Subterráneas e Cea”. Local Social Club

Venres,  14 de xaneiro      “Esquí de montaña”, por Marcos. Charla e proxección de diapositivas. No Club ás 20.30 h.

Venres,  21 de xaneiro “To Colorado´s Fourteeners”, por Fernando Fernández Rei. Montañismo e escalada en USA,    proxección dixital. No Club, ás 20.30 h.

Venres,  28 de xaneiro “Montaña Vasca”, pola Sección de montaña. Proxección dixital. No Club, ás 20.30 h.

Venres,   4 de febreiro       “Festa do Entroido”. No Club, a partires das 20.30 horas

Luns,    7 de febreiro       “Festa Infantil do Entroido”. No Club, de 18.00 a 20.30 horas.
 
 

 NORMAS PRÉSTAMO BIBLIOTECA

  ? A duración do préstamo será de 15 días para os libros e      de 7 días para as revistas e publicacións periódicas.
? O préstamo realizarase os xoves de 19,30h a 21,30h.
? Poderanse levar como máximo, ou ben 2 libros, ou ben 2 revistas ou 1 libro máis unha revista.
? Os mapas non se prestarán. Poderase solicitar unha fotocopia deles calquera día da semana e entregarase o venres ou outro día acordado co/a interesado/a.
? O custe das fotocopias correrá a cargo do solicitante.
? Os libros que polo seu estado de conservación non sexa aconsellable o seu préstamo, quedarán na biblioteca do club, podendo consultarse nela.
? Para o préstamo de libros deberá cubrirse a ficha que posúe cada libro, indicando o número de socio ao que se lle fai o préstamo e a data de devolución. Na ficha que queda no libro deberán constar os mesmos datos.
? Para o préstamo das revistas cubrirase na folla existente na biblioteca o nome e número da revista, o número do socio do solicitante e a data de devolución. Estes dous últimos datos tamén constarán na ficha que levará pegada a propia revista.
? O último número das revistas recibidas non se prestarán ata que se reciba o seguinte número.
? A devolución dos préstamos poderá facerse calquera día da semana, facendo dita devolución na secretaría do club (de Martes a Xoves de 19 a 21,30h)
? Cando se devolva un libro ou revista en mal estado ou danado, o socio que solicitou o préstamo correrá cos gastos de reparación ou reposición se é o caso. No caso de extravío, considerarase como reposición.
? No caso de que un socio reitere atrasos na devolución, será sancionado de maneira segundo se considere.
.
Normas aprobadas pola Xunta Directiva o día 29-11-04
 

LIBROS ADQUIRIDOS NO 2004
  .
? Ubiña. Alta Montaña. Juan Delgado SZ, 1989
? Cuaderno de escalada en Asturias. Sebastián Abad Escuela Asturiana de turismo activo y aventura, 2003
? Guía de Descenso de Cañones y Barrancos. Varias zonas. Eduardo Gómez y Laura Tejero Barrabés 2004
? Crestas del Pirineo. Manel Borrell y Enric Faura. Barrabés, 2004
? Portugal. Sport onsight-bouldering. (en Portugués). David & Carrie Atchinson-Jones Jingo Wobbly 2004
? 40 Aventuras al final del camino. Andrés Villar Murillo y Rubén Suárez Carballo TresCtres, 2004
? Sierra de las Nieves. Simas, cuevas y barrancos. Manuel J. Guerrero Sánchez La Serranía 2004
? Ferratas. Seguridad y Técnica. Pit Schubert Desnivel. 2004
? Planificación del entrenamiento en Escalada Deportiva. David Macià Desnivel. 2002
? Cuerdas y Nudos de alta resistencia. Tino Núñez Desnivel. 2002
? 57 Escaladas invernales en los Picos de Europa. F. Alarcón, S. Muñoz y M. A. García Crespo Desnivel. 2003
? La llamada del silencio. Joe Simpson Desnivel. 2004
? Peña Santa. La perla de los Picos. Isidoro Rodríguez Cubillas Desnivel. 2004
? Una mujer en la Cumbre. Chus Lago. 2003

LIBROS DOADOS NO 2004
.
Doados pola Federación Galega de Montañismo (FGM):
? MONTAÑISMO Y TREKKING. Joaquín Colorado. Desnivel 2001
? MANUAL TÉCNICO DE DESCENSO DE CAÑONES. Edición revisada. Escuela Francesa de Descenso de Cañones y Fed Francesa de Desc Cañones.2004
? ORIENTACIÓN AVANZADA PARA ALPINISTAS Y PROFESIONALES. Máximo Murcia. Desnivel. 2002
? ESCALAR EN ROCÓDROMOS. John Long. Desnivel.
? PROGRESIÓN EN GLACIARES Y RESCATE EN GRIETAS. Andy Selters. 2001
? CÓMO ESCALAR VIAS DE VARIOS LARGOS. 3ª edición Ignacio Lujan y Tino Núñez. Desnivel. 2004
? TÉCNICAS DE MONTAÑA. Manual práctico para monitores y guías Pete Hill y Stuart Johnston. 2002
? TECHOS DE ESPAÑA, LOS. 2ª Edición José Martínez Hernández. Desnivel. 2001
? CUATROMILES DE LOS ALPES POR RUTAS NORMALES. Richard Goedeke. Desnivel. 1999
? ESCALADA LIBRE EN HIELO Y MIXTO. Jose Isidro Gordito. Desnivel
? NUEVO MANUAL DE GPS. Carlos Puch. Desnivel. 2003
.
Doado por José Rodríguez Oveja (Pepín). Presidente da Federación Española de Actividades Subacuáticas (FEDAS):
? MANUAL BUCEADOR 2 ESTRELLAS. FEDAS.

O verán de San Martiño cumpriu coa súa fama, estábase de marabilla no noso “chalé” do Aloia. O sábado, sobre as sete da tarde, xa se acercaron as primeiras persoas, e comezamos a asar as castañas.Os socios chegaron ao refuxio, uns andando (Pablo, Fernando e Jose), outros en bici (Andrea e Pedro) e moitos en coches, pero poucos quedamos a durmir, a pesar de que a noite era preciosa. Antes de meternos nos sacos, un grupiño de catro persoas fomos dar o paseo para nós obrigado... que noite máis bonita.
O domingo pola mañá, ás dez xa estabamos pelando patacas, cenorias... Ó pouco chegou Toñi, o xefe cociñeiro, con Ángeles de pinche maior, e púxose ós seus pucheiros.
Sobre as dez tamén chegaran Antonio Álvarez e Paquita para organizar os xogos pero... os domingos péganse as sabas e a xente chegou un pouco tarde. Cada un elixía xogar ó pateiro, á petanca, ós zancos, ir de paseo, o día era idóneo para os maiores e para os nenos que gozaron do lindo. Emilio (Banbán) e Clara mostráronse particularmente interesados polos xogos da ra que nos prestou Sebastián (o dono do bar veciño). O mesmo Sebastián prestounos taboleiros, bancos e cabaletes para que as 55 persoas que comemos no Refuxio estiveramos todos ben “sentadiños”. Grazas Sebastián.
Ás dúas estabamos listos e fomos a polo caldo. Creo que resultou todo moi ben, a comida de Antonio estaba moi ben condimentada e mereceu “a nosa medalla de ouro de chocolate”. Como o ano pasado, todo o mundo puxo “a man á pata”, grazas a todos. Quedamos, para o ano próximo, na mesma data, no mesmo lugar.
F.F.

SENDEIRISMO

SOMIEDO,  30-31 outubro - 1 novembro

É sábado. Son algo así como as 7 da mañá e acabamos de chegar á porta de “Casa Celso”, onde durmiremos o grupo que non faremos a travesía.
Din, xa que eu persoalmente durmín case toda a viaxe agás a paradiña a media noite, o resto zzzz- que demos un par de voltas por iso de non chegar tan cedo ao noso destino, Pola de Somiedo; e aínda así esperamos encerradiños a frioleira de hora e media máis ata que…., por fin, puidemos acomodar as mochilas. Que lugar tan acolledor, estamos no faiado, con baño de xoguete (había que pórse de xeonllos- é que crecemos un pouco de máis algúns-), que calorciño, ten calefacción, todo un luxo de sitio.
Ben, en marcha chicos, os intrépidos da travesía toman o seu rumbo e o resto faremos un sendeiro para visitar as Brañas de Mumián. Que bonito, que contraste de cores, que bosques. Están os cumios ademais coas primeiras neves… Por iso de non facer todo o primeiro día, decidimos baixar á vila e non subir ó Pico Alto, como inicialmente estaba previsto, estamos un tanto preguiceiros, cansos… Hum! Que duchiña, que ben senta. Agora visitar a vila e a oficina de turismo. Coñezamos un pouco a zona, cañita, cea e a durmir que está unha noite de cans. Como estarán os aventureiros?. Poderían montar as tendas?
Arriba, veña, vamos, son as sete e hoxe o sendeiro promete, iremos por un val moi bonito. Mochila nas costas e despois dun soño reparador sobre as nove dispoñémonos dende Santa María del Puerto a iniciar outro días máis. Neve brandiña, que gusto .eh!, un oso, onde?. Non o vexo. Alí mira, non ves aquel vulto? Ah! si, si... seguimos acercándonos e… era un fito, que vista temos!, o que si nos acompaña é un grupo de rebecos dando saltos, á estrada…
Chegamos ás Brañas de Murias Llongas, parece unha postal do nadal, quén é o primeiro en poñer traseiro en terra?. Como esvara a baixada!!. Fotos, e continuamos ao Lago del Valle, quén é o ousado que saca unha man da luva? Que frío, parou un minuto de chover… eh!! Aqueles son o resto dos nosos, non? Os da travesía, eh… estamos aquí, ola… non, son moitos… Ben, ala nenos que tal un pouco de asfalto para non perder os bos costumes?.. Café, café.. necesito entrar en calor… menos mal que Ana trouxo unha petaca con licor de figos, que bo está….
Ola chicos, que tal de travesía?. Queredes darvos unha ducha?. Ben, xa nos contaredes na cea, non?
Tivemos que nos dividir en varias mesas, que pena!, o hotel non dá abasto con tanta xente. Tres aventureiros deciden ir ó pub e inspeccionar, había moitos “ioguríns”, así que, coma o resto, a durmir que a noite promete coma a de onte.
Son as 7 e un pequeno grupo, decidimos botarlle valor, gañas e patear outro pouco. Chove, está a brétema moi baixa, pero, parece que nun par de horas abrirá así que, camiñante non hai camiño.
Agora si, a pegada na neve dun oso, foto, foto… parece que isto por momentos se pecha máis de brétema, son xa as 13 e se damos volta?.GPS na man…., Elva, Ana e Ana xunto con Antonio comezamos a baixada, únese ao rato outro pequeno grupo, e así pouco a pouco o resto, menos Pedro, Sechu e Andrea, que deciden non abandonar.
Son as 14, hora de volver a casa, que soño, e esa peli…. Ata pronto chicos, verémonos na próxima viaxe. Bicos
 Ana Cid

SENDEIRO TRILHOS LUSOS
CAMINHA

Dentro do programa sendeiros tranquilos, este domingo 21 de novembro, visitamos aos nosos veciños portugueses para coñecer a Serra de Arga, por unha ruta circular con punto de partida-chegada en CAMINHA e cun percorrido aproximado de 18 km.
Cosa inaudita ata a data, non só enchemos o autobús, senón que por falta de asentos máis dun quedou en terra, amén dos nosos compañeiros que agardaban por nós na cidade portuguesa.
Ás 8.40 h, con dez minutos de atraso da hora oficial como mostra de cortesía aos máis retardados, saímos pola Avda. de Madrid en dirección Portugal sen chuvasqueiros nin nada que se lle parecera porque o bo tempo, a pesar da brétema de O Porriño e arredores, acompañábanos.
Ás 9,30 horas estabamos en Caminha repartidos entre dúas cafeterías para tomar algo quente antes de iniciar a marcha. Vinte minutos despois, todos preparados para seguir pola rúa Corredoira e enlazar á man dereita pola calzada de Santo Domingo. Comezamos así o noso sendeiro cunha pequena subida, pasamos o cemiterio e a ermida deste Santo, seguimos por varias rúas da bisbarra con vivendas unifamiliares, deixamos a un lado o lavadoiro e atravesamos as antigas murallas por un pequeno túnel; así pouco a pouco, deixamos atrás a cidade, non sen antes pasar polo Miradouro da Fraga.
Alternando sendeiro, estrada, pistas asfaltadas e de terra ascendemos uns 360 metros ata a Ermida de Santo Antonio para apreciar a desembocadura do Miño co monte Tegra entre nubes e descansar un rato a pesar da cantidade de mosquitos que nos atopamos. Continuamos camiño ata alcanzar o alto da Espiga, baixamos lentamente por un cortalumes de forte pendente e continuamos llaneando para, ao pouco, subir a un alto onde había unha ermida; alí, sobre as 13.40 h, dividímonos uns para comer nas mesas da área de lecer e outros arredor da ermida, apoiados no muro de pedra que a rodeaba. Ben comidos e descansados, ás 15 horas retomamos a marcha costa abaixo e monte a través para estar ás 17 horas pisando asfalto en Venade. Pouco despois estabamos sentados na praza central de Caminha dando conta dunha boa cervexa.
Ás 18,25 regresamos a Vigo, uns intentando durmir e o resto en plan relaxado ata que.... soa unha música familiar, pop anos 60-70 que o noso conductor Dani pon no canto do partido de fútbol e timidamente ao principio, e a voz en grito despois, o que máis e o que menos desgañitábase con “las flechas del amor, de Karina”, ou “la otra noche bailando estaba con Lola, dos Brincos”. Francoiçe estaba encantada e animounos a levar música destes anos para a festa de fin de tempada.
Concha

 

LEOPARDO DAS NEVES

Merab acercábase lentamente. Era o catro de agosto de 2004. A poucos metros do final botárase a un lado e esgrimindo un xesto, igual ao que d`Artagnan faría co seu chapeu ao paso da carroza Real, invitárame a pasar: “ti primeiro”, díxome.
Pisar alí, sobre a neve virxe, como se nunca ninguén antes tivera pisado nin soñado, era un privilexio que ambos entendiamos ben. Fora como asomarse sobre unha ponte dende o ceo. Agás o Somoni, todos os demais picos quedaban xa por debaixo e a cordilleira do Pamir convertérase naquel xusto momento, nun inmenso océano de cristas xeadas.
O final do “Leopardo das neves” estaba preto, sería nuns días, se o tempo atmosférico se mantiña como o fixera ata entón. A montaña dixo si e o trece de agosto aquel periplo que comezara en Tien-Shan tres anos atrás, pechábase definitivamente; Merab e eu fotografámonos no cumio do Somoni, a nosa derradeira montaña, situada a só dezaseis quilómetros de distancia da anterior.
Saboreara cada minuto, cada metro, cada problema superado. Emprenderamos coa mesma ilusión todos os intentos ao cumio, aínda nas circunstancias máis adversas. Máis importante que subir ao primeiro intento fora deseñar e poñer en xogo cada unha das estratexias para as cinco montañas. Aquel proxecto xurdira do esquecemento, da exploración nos libros. Quen coñecía entón en España o “Leopardo das neves”?, moi poucos.
Pecho os ollos, as imaxes do “Leopardo” aparecen agora vernizadas coa emoción do que vivira e sábese parte delas, pero tamén da mesma indolencia que lles queda ás fotografías; o vento, o esforzo e a termita da incerteza son unha pantasma amabel que xa non doe. Se non fora así, se os momentos duros pesaran máis do que un obtén a cambio de cada aventura, de cada montaña, posiblemente xamais regresariamos a elas. Tamén me veñen á mente as persoas que coñecín ao longo destes últimos anos, charlas no campamento base e algunha que outra nalgún campamento de altura. Unha delas, fora con Boris, antigo piloto de elite do exército da antiga Unión Soviética. Atopabámonos baixando do Somoni, pasando a noite no campo II canto el apareceu rozando a escuridade. Mentres eu disolvía un taquiño de manteiga nun cazo, fritía unha cebola xeada e a continuación remexía o puré de quenda, Boris íanos relatando, a Merab e a min, anacos da súa vida. Así averiguamos que aquel home que pronto cumpriría os setenta, gozaba dun privilexio físico do que se serviran os servizos especiais da NASA. Boris prestárase a máis dun experimento pola gloria do seu país, como o de permanecer nu nunha habitación, onde a temperatura (- 30º), a presión e, por conseguinte as características do aire simulaban as mesmas que se presentan nunha altitude de sete mil metros.
Lembro alá lonxe a ascensión do pico Lenin, durante a que unha nevada fortísima sepultara completamente as tendas do campo III e tiveramos que sondar o chan coas variñas doutra para atopalas, lembro unha noite sen saco no Khan Tengry, a 6.400 mts de altitude previa ao cumio e outra máis lendaria no Pobeda, ao raso, lembro.
Foron cinco montañas e escollín cinco adxectivos para definilas. Un adxectivo que define a primeira, e a veces, a derradeira impresión que tiven delas.O pico Lenin é a montaña serena, así a atopei, a serenidade é o que ela me transmitiu dende as praderías de kirguiztan. O pico Khan Tengry: fascinadora, é a máis máxica e mística das cinco; cando todas as montañas se apagan ao atardecer, a súa pirámide de mármore acéndese como unha lámpada xigante de cor púrpura e se estás en Tien-Shan non importa en que montaña te atopes, a esa hora, nómades e alpinistas teñen unha cita co Khan Tengry, todas as miradas converxen no mesmo lugar.
O Pobeda é a montaña severa, sen dúbida a que máis difícil nolo puxo, tal vez por esa mesma razón, da que máis orgullosa me sinto. A Korgenevskaya defínoa como vertixinosa, polas súas paisaxes aéreas nos que un semella pasear polo tellado do mundo.
O Pico Somoni é a montaña magnífica, polo grande, polo bela, porque ela foi o magnífico final da nosa aventura.
Dende o máis alto do Pamir, sobre o cumio do Somini xa se debuxaba o seguinte soño:  A  Antártida.

Chus Lago

Chus Lago no Campo Base, dende onde alcanzou os dous últimos cumios que a fixeron merecedora do título de Leopardo das Neves.

Merab chegando o cumio do Korgenevskaya

Somoni  (Pico Comunismo)
 

MONTAÑISMO

 

Somiedo: ursos e frío.
30-31 outubro e 1 de novembro

Espertar pola maná, xusto cando amence, nunha paraxe bonita e, á vez, descoñecida, sempre é apaixonante. Pero como xa é costume que pase, esa sensación de seguida se viu truncada polas nubes encaixonadas entre as enormes montañas que rodean  Pola de Somiedo.
Esa mesma mañá, o bus deixounos no porto que separa o parque natural do estraño val de Teverga, no leste; e dende alí, no medio de rachas moderadas de vento e algo de choiva, de seguida ascendemos pasando por algunhas brañas e contemplando algún que outro bosque amarelo e dourado. Sen embargo, o esplendor da comarca apareceu en toda a súa magnitude cando, ao fin, apareceu ante nós un fondo val cuberto de faias marróns e douradas, que ficaban coroadas por inmensas moles brancas de neve e xeo.
Dende aquel momento, a incómoda viaxe de bus e toda a vida cotiá de estudiante ou traballador quedaba atrás, para nos adentrar nun mundo onde a man humana só fora capaz de deixar aquel verde Camiño Real de la Mesa e unha chea de brañas de corros e teitos dispersas case ao chou pola pradería ilimitada.
Ese primeiro día culminou cando tocamos a provincia de León, atravesando un porto dos de frío e neve para baixar ao primeiro dos Lagos de Saliencia, bastante degradado pola cochambre das fantasmagóricas e tétricas ruínas dunha mina de ferro abandonada. E, como non, alí acampamos.
Ao día seguinte dispuxémonos a subir un pico próximo, de preto de 2200 metros. Subindo e subindo, a neve e o vento desapiadado apareceron en abundancia; a ascensión era bastante dura, pero moi gratificante.
Cando semellaba que a montaña non podía subir moito máis, a ladeira comezou a aparecer coma unha muralla case vertical, e os menos expertos houbemos de quedar abaixo, esperando a que os máis expertos acadasen o cumio, con paciencia montañesa.
E volveron quince minutos despois, tras ter subido dez metros máis e ter abandonado.
Baixamo cara a Pola de Somiedo polo Valle del Lago, unha paraxe singular e espectacular; unha suave pradería húmida enmarcada de novo por faias e paredes calcáreas que albergaban, pouco máis arriba  grandes acumulacións de neve, coma un marco que rodeaba idilicamente ao lugar.
Por fin, segundo as novas que nos chegaban de alén, para o luns de todos os santo ía facer sol. Pero non foi así.
Botamos a camiñar dende as inmediacións do Puerto de Somiedo, no medio de brétema,  chuvia, frío, vento e, de novo, máis arriba, moita neve.
Os camiños ficaban enlamados, os regatos medraran pola noite, as marcas da ruta de “El Cornón”, ese pico que, cos seus 2200 m, debía ser espectacular, a xulgar polo nome, estaban escondidas no manto branco.
Saímos moitos, non sei cantos, e só uns poucos chegamos á base do pico, e só cinco se atreveron a subilo. E resultou ser que ese non era o pico, que o pico era o seguinte, así que eses famosos cinco volveron de subir outro máis dos abundantes picos sen nome da comarca e das serras cántabras. Disque, cando chegaron ao coto, ergueuse por un momento a néboa, e puideron contemplar o verdadeiro pico, moito máis lonxe do que esperaban.
Cansos dunha fin de semana maratoniana, baixamos case correndo ao bus, ao que chegamos algo tarde, e este emprendeu regreso atravesando as concas mineiras bercianas de Villablino, onde as fragas seguían a brillar polo seu espectacular dourado outonal, pero agora, baixo un sol relucente! Atrás quedaban as montañas nevadas e cheas de nubes e, suponse, de ursos.
Pablo Pino

 

LICENCIAS 2005

Consideramos que é necesario estar federado!!!!

FEDÉRATE en xaneiro e aproveita as vantaxes todo o ano
.
Ademais de varias vantaxes, a licencia federativa incorpora un seguro de accidentes e rescate indispensable para todos os que queiran practicar o montañismo e a espeleoloxía en calquera das súas diversas modalidades, tamén para a práctica do mergullo, esquí, etc.

Club Montañeiros Celtas recomenda aos seus socios, unha vez máis, que se federen, xa que ademais das ventaxes individuais, aportan beneficios para o colectivo de deportistas. Para participar en algunhas actividades oficiais do Club é obrigatorio estar federado, como as de alta montaña, travesías, escalada, Operación Benxamín, espeleoloxía, descenso de canóns, mergullo... ou calquera outra que así o determine o Club, tamén para utilizar o boulder do local.

LICENCIAS DE MONTAÑA  (FGM)

COMPAÑÍA ASEGURADORA: MUTUALIDAD GENERAL DEPORTIVA
MODALIDADE     Disciplinas Aseguradas: Montañismo, Sendeirismo e Escalada.
* As modalidades A e B1 diferéncianse na cobertura sanitaria.
                                                  A           B-1                 B-2                               B-3
AMBITO XEOGRÁFICO  ESPAÑA ESPAÑA EUROPA-MARROCOS TODO O MUNDO
MAIORES dende os 18 anos 37,55        54,95              79,25                          103,55
XUVENÍS de 14 a 17 anos    29,45        46,85             71,15                            95,45
INFANTÍS de 8 a 13 anos     14,95        23,35
 
COMPAÑÍA ASEGURADORA:  SABADELL
MODALIDADE                BÁSICA "A"        B                  C                      D                  E
ÁMBITO XEOGRÁFICO   ESPAÑA ,  
MAIORES dende os 18 anos 41,20             64,10            106,39           506.57         37,67
XUVENÍS de 14 a 17 anos    33,10             55,11             80,64            498,47
INFANTÍS de 8 a 13 anos    13,45              23,23             57,94
 
Disciplinas Aseguradas:
 Modalidade Básica "A":  Excursionismo, Campamentos, Marchas e Sendeirismo. ESPAÑA
 Modalidade B: Excursionismo, Campamentos, Marchas e Sendeirismo. ESPAÑA
 Modalidade C: Excursionismo, Campamentos, Marchas e Sendeirismo,  Montañismo, Alpinismo, Escalada, Descenso de Cavorcos, Campamentos en Iglús, Carreras de Montaña, Espeleoloxía e Bici de montaña, ESPAÑA, PORTUGAL, ANDORRA, PIRINEOS FRANCESES.
 Modalidade D:  As mesmas da modalidade C, ademais de Esquí en tódalas súas modalidades, TODO O MUNDO (Excepto por  TODO O MUNDO riba dos 7000 m. ou dentro dos círculos polares) 
 Modalidade E: As mesmas da modalidade D, ademais das Expedicións, MAIORES DE 75 ANOS
 
 NOTA: Os duplicados do carnet federativo, por extravio ou ampliación da cobertura, terán un custo adicional de 2 Euros.
 
LICENCIAS DE ESPELEOLOXÍA  (FGE)

COMPAÑÍA: MUTUALIDAD XERAL DEPORTIVA
MODALIDADE  Ambito xeográfico Maior Xuvenil Infantil
BASICA A                                       31.87   25.79 13.99
España
BASICA B                                         37.07 30.99 18.14
Europa e Marrocos
BASICA B1                                       43.37 37.29 32.29
Resto Mundo
PLUS A                                             48.37 42.29 30.49
España
PLUS B                                             57.57 51.49 38.64
Europa e Marrocos
PLUS B1                                           70.07 63.99 58.99
Resto Mundo
Licencias de cobertura "básica”
As actividades cubertas son: espeleoloxía, descenso de barrancos e espeleobuceo.
Cobertura de rescates e responsabilidade civil en España.
.
Licencias de cobertura "Plus”
As actividades cubertas son: espeleoloxía, descenso de barrancos, alpinismo, canoa, kaiak, sendeirismo, esquí de fondo e snowboard, esquí alpino(excluíndo o esquí alpino fóra de pista), camiñata con esquís ou raquetas, escalada en rocha ou obstáculos artificiais, bicicleta de montaña todoterreo, uso de "vías ferratas" e buceo en tódalas súas formas.

LICENCIAS DE DEPORTES DE INVIERNO (FGDI)
46 Euros/ano, 22 Euros/semana. Ámbito Xeográfico MUNDIAL
Válida ata o 30 de Setembro do 2005. Cobertura derivada da práctica dos Deportes de Inverno

Subvencións aos socios
FEDERADOS POLO CLUB:

a) Club Montañeiros Celtas está adherido a catro federacións: Montaña, Espeleoloxía, Deportes de Inverno e Actividades Subacuáticas. Para facilitar que os socios podan estar federados en máis dunha delas, o Club subvencionará a segunda e sucesivas licencias das distintas federacións que cada socio tramite de acordo co seguinte: segunda licencia 4 euros, terceira 8 euros, cuarta 12 euros.

b) Os menores de idade que tramiten unha licencia que asegure disciplinas técnicas (alpinismo, escalada, espeleoloxía, esquí, etc.), terán unha subvención do 10 % do seu importe.

c) Os socios que participen en cursos oficiais das Escolas das respectivas federacións, terán as seguintes subvencións:
  - Menores de idade............................. 40 %
  - Estudiantes de 18 a 25 anos.............. 30 %
  - Non estudiantes de 18 a 25 anos....... 20 %
  - A partires dos 25 anos...................... 10 %
.
d) Límite das subvencións. A axuda máxima que pode recibir cada socio no ano 2005 é de 100 euros. O total das subvencións está limitado a súa partida orzamentaria.
 
 

 
XANE
 8 Monte Aloia Saída de Bioloxía S. Cultura e Medio Ambiente
 15-16 Sanabria Camiños Tradicionais S.D. Sendeirismo
 15-16 Mondoñedo Técnicas de vertical S.D. Espeleoloxía
 22-23 Trevinca-Vilanova Campamento de Inverno. Macizo de Trevinca S.D Montañismo
 22-23  Infantil. Achegamento á neve S. Infantil-Xuvenil
 23 Trevinca-Vilanova II Percorrido de Esquí de Montaña "Montañas de Trevinca" FGM - C.M. Celtas
 29-30 San Isidro (León) Esquí alpino S.D. Esquí
 29-30 (León) Alpinismo - Corredores. Pico Torres S.D. Escalada
 29-30 Mondoñedo Conmemoración 25 Aniversario EGE FGE - EGE
 30  Sendeiro tranquilo. Muiños do Folón S.D. Sendeirismo
 
FEBR
 4 Local Social Festa do Entroido S. Actividades Sociais
 5-6  Curso Esquí de Travesía FGM - EGAM
 7 Local Social Festa Infantil do Entroido S. Infantil-Xuvenil
 11 Local Social Campionato de Escalada S.D. Escalada
 12 Vigo. Hotel Coia Cea  63 Aniversario S. Actividades Sociais
 13 Manzaneda Xornada de Iniciación ao Esquí de Montaña S.D. Esquí
 12-13  Curso Alpinismo - Iniciación FGM - EGAM
 12-13 Cobas Xuvenil: Coñece as Covas S.D. Espeleoloxía
 13 Ría de Vigo Inmersión submarina S.D. Actividades Subacuáticas
 18 Local Social Campionato de Escalada S.D. Escalada
 19-20 Chandrexa Introducción á Orientación. Serra de Queixa S.D. Sendeirismo
 19-20  Curso Alpinismo - Iniciación FGM - EGAM
 25 Local Social Asemblea Xeral Ordinaria Xunta Directiva C.M. Celtas
 26-27  Esquí de Montaña. Macizo do Mampodre (Cordilleira Cantábrica) S.D. Esquí
 26-27 (León) Alpinismo - Corredores: Peña Ubiña  S.D. Escalada
 27  A Grova S.D. Bici de Montaña
 27 Faro Budiño Sendeiro tranquilo. GR-58 Sendeiro das Greas S.D. Sendeirismo
 
MARZ
 5-6 Liñares Achegamento á Topografía de Cavidades S.D.Espeleoloxía
 5-6 Riaño (León) Gilbo  S.D. Montañismo
 5-6  Campamento Infantil de Primavera S. Infantil-Xuvenil
 12-13 Olveiroa Camiño Fisterra. Etapa III: Olveiroa - Muxía S.D. Sendeirismo
 12-13 Mondoñedo Xornadas de Progresión Vertical FGE - EGE
 12-13  Curso Alpinismo - Corredores FGM - EGAM
 19-20 Picos de Europa XXI Alta Ruta Cántabra de Esquí de Montaña G.R. Montaña Orza
 20 (Portugal) Sendeiro tranquilo. Serra do Gerés S.D. Sendeirismo
 *  Curso Alpinismo - Iniciación FGM - EGAM
 24-25-26-27-28 Alto Campoo (Palencia) Montaña Palentina S.D. Montañismo
 
ABRIL
 2-3 Vilanova Trevinca S.D. Bici de Montaña
 3  Saída de cultura literaria S. Cultura e Medio Ambiente
 9-10 Muxía  Camiño Fisterra. Etapa IV: Muxía - Fisterra S.D. Sendeirismo
 9-10  Campamento Galego Espeleoloxía FGE -
 10 Rio Miño Familiar. Na Busca do Tesouro III S.D. Montañismo
 16-17 Forcarei XL Campamento e Marcha Galega de Montaña FGM - C.M. Celtas
 23-24  Curso de Orientación en Montaña FGM - EGAM
 23-24  Práctica de Socorro FGE - GEG
 24 Monfero Marcha de Primavera: Monfero-Xestoso S.D.Montañismo- C.M. Ferrol
 24 Baiona Campionato Social de Pesca Submarina S.D. Actividades Subacuáticas
 30-1 Pajares (León) Travesía: Pajares - Oubiña.  S.D. Montañismo
 
MAIO
 1 (Portugal) Sendeiro tranquilo. Circular de Caminha S.D. Sendeirismo
 7  IV Marcha de Fondo - Marcha das Greas FGM
 7-8 Monte Aloia Infantil. XXXVII Operación Benxamín. S. Infantil-Xuvenil
 7-8 Trevinca-Vilanova Iniciación á Montaña: Peña Trevinca dende Vilanova S.D. Sendeirismo
 7-8  Campamento Galego Infantil-Xuvenil Espeleoloxía FGE -
 7-8  Curso de Escalada - Iniciación FGM - EGAM
 8  Xuvenil. S.D. Bici de Montaña
 14-15-16-17 Guadarrama (Madrid) Sierra de Guadarrama S.D. Montañismo
 20 Local Social Festa de Primavera S. Actividades Sociais
 21-22  Infantil. XXXVII Operación Benxamín. S. Infantil-Xuvenil
 21-22 Sanabria O Camiño de Santiago, Vía da Prata. Etapa I: Sanabria - Lubián S.D.Sendeirismo
 21-22  Curso Escalada - Parede FGM - EGAM
 22 O Facho Xornada de Iniciación á Escalada S.D. Escalada
 28  Saída de Xeoloxía. Canteiras, Galiñeiro - Aloia S. Cultura e Medio Ambiente
 28-29  Infantil. XXXVII Operación Benxamín. S. Infantil-Xuvenil
 29 Budiño Xornada de Iniciación á Escalada S.D. Escalada
 29 Ribeira Sacra Sendeiro tranquilo. Luintra - San esteban S.D. Sendeirismo
 29 Ría de Vigo Inmersión submarina S.D. Actividades Subacuáticas

XUÑO
 4-5 O Rosal Piragüísmo Popular.  S.D. Actividades Subacuáticas
 4-5 Lubián  O Camiño de Santiago, Vía da Prata. Etapa II: Lubián - A Gudiña S.D. Sendeirismo
 4-5 Trevinca Travesía: Vilanova - Teixedal - Casaio S.D. Montañismo
 11-12 (Asturias) Travesía. Desfiladero de los Arrudos. S.D. Montañismo
 11-12  XI Descenso de Barrancos FGM -S.M. Ártabros
 11-12  Xornadas monográficas progesión canóns FGE - EGE
 12 Illas Cíes Inmersión Submarina.  S.D. Actividades Subacuáticas
 18-19  10º Campamento Social Infantil - Xuvenil Espeleo S.D. Espeleoloxía
 18-19  VIII Marcha con Vivac FGM - Xistra
 18-19  Curso Escalada Artificial FGM - EGAM
 25  Saída Etnográfica S. Cultura e Medio Ambiente
 26 Eume Escalada no Eume S.D. Escalada
 25-26 Ría de Vigo III Travesía: Kaiak +Espeleo +Escalada +Marcha +Natación +BTT SS.DD. do Club
 25-26  XVI Campamento Galego Descenso De Canóns FGE -
 25-26  Curso Descenso de Barrancos FGM - EGAM
 26 Caminha (Portugal) Sendeiro tranquilo. Marcha do Polo: Caminha - Ancora S.D. Sendeirismo
 
XULL
 2-3  La Seo S.D Montañismo
 2-3  Campamento Infantil de Veran S. Infantil-Xuvenil
 2-3 Caurel Xuvenil: Canóns - Bici - Espeleo - Escalada SS.DD. Espeleo-Bici-Escalada
 9-10  Introduc. á Travesía: Serra da Capelada - San Andrés de Teixido S.D. Sendeirismo
 10  Xornadas Iniciación Descenso Canóns S.D. Espeleoloxía
 16-17 Illa de Arousa Campamento de Verán S.D. Subacuáticas - S. A.Sociais
 23-24-25  Travesía con 2 vivac: Porto S. Glorio - Porto Piedras Luengas S.D. Montañismo
 2ª quincena Eslovenia Saída Internacional. Alpes Julianos FGM
 4ª semana Cádiz Serra de Grazalema. Curso de fotografía na Natureza S. Cultura e Medio Ambiente
 31 Cangas Sendeiro tranquilo. Península do Morrazo: Cangas – Cabo Home S.D. Sendeirismo
 
AGOS
 30/07 - 07/08 Neouville-Luchon Pirineos 2005- Francia S.D. Montañismo
 1-8 Ramales - Cantabria Campaña 2004 - Hornijo S.D. Espeleoloxía
 * Pirineos Campamento Anual Estatal FEDME
 
SEPT
 3-4 Monte Aloia Marcha Nocturna: PRG 2 Galiñeiro – Aloia S.D. Montañismo
 3-4 Caurel  8º Campamento Social Descenso Canóns S.D. Espeleoloxía
 4 Pedrafita Saída combinada: Cultura - Espeleoloxía S.D. Espeleoloxía - S. Cultura
 4  Escalada no Canón do Sil S.D. Escalada
 9 Local Social Festa Reencontro S. Actividades Sociais
 10-11 A Gudiña O Camiño de Santiago, Vía da Prata. Etapa III: A Gudiña - Laza S.D. Sendeirismo
 16-18  Práctica de Socorro FGE - GEG
 18  VII Marcha Galega de Veteranos FGM - Ribeira Sacra
 17-18 Galiñeiro Xuvenil. Xornadas de Escalada S.D. Escalada
 18  Xornada de Xeoloxía - Canteiras S. Cultura e Medio Ambiente
 18 Ría de Vigo Inmersión submarina S.D. Actividades Subacuáticas
 24-25 Caurel  Xuvenil: Baixo Terra S.D. Espeleoloxía
 25 Franqueira  - Arbo A Franqueira  S.D. Bici de Montaña
 25 Goián Sendeiro tranquilo. Niño do Corvo - Castelo de San Lorenzo  S.D. Sendeirismo
 
OUTU
 1-2 Serra da Culebra Zamora S.D. Montañismo
 2 Budiño Escalada en Fendas S.D. Escalada
 8-9 Chandrexa Xuvenil. Travesía de Montaña: Serra de Queixa S.D. Montañismo
 15-16  XXXIV Campamento Infantil-Xuvenil de Montaña FGM -S.M. Ártabros
 15-16  Xornadas Autosocorro FGE - EGE
 16 Laza O Camiño S., Vía da Prata. Etapa IV: Laza - Xunqueira de Ambía S.D. Sendeirismo
 22-23  Campamento Social Espeleoloxía S.D. Espeleoloxía
 22-23  Curso Orientación en Montaña FGM - EGAM
 22-23  Curso Iniciación Rocódromo FGM - EGAM
 23 Ría de Arousa Inmersión submarina S.D. Actividades Subacuáticas
 23  Sendeiro tranquilo. PRG 48 Entre Rías S.D. Sendeirismo
 29-30-31-1  Campamento Galego extraterritorial de Espeleoloxía FGE -
 29-30-31-1 (Burgos) Canón Rio Lobos S.D. Montañismo
 
NOV
 5-6 Castrolaboreiro Camiños Transfronteirizos: Castrolaboreiro-Pena Anamao-Entrimo S.D. Sendeirismo
 6  I Carreira de Montaña FGM
 12-13 Monte Aloia Magosto Social S. Actividades Sociais
 13  Galiñeiro S.D. Bici de Montaña
 19-20  Campamento Infantil de Inverno S. Infantil-Xuvenil
 20 Barciademera Marcha de Outono - Maiores S.D. Montañismo
 26-27  Xuntanza Técnica FGE - EGE
 27 Baiona Sendeiro tranquilo. GR-58 Sendeiro Greas: Baiona-Cabo Silleiro S.D. Sendeirismo
 
DEC
 4-5 Pobla de Trives Camiño Romano. Vía Nova XVIII. "O CODO" S.D. Sendeirismo
 4-5-6-7-8 (Granada) Sierra Nevada S.D. Montañismo
 11 Ribeira Sacra Sendeiro tranquilo. PRG 4 Camiño Real. San Pedro de Rocas S.D. Sendeirismo
 16 Local Social Festa Fin Temporada  S. Actividades Sociais
 
Actividades: Resáltanse en negrita as organizadas por Club Montañeiros Celtas. Infantís: de 8 a 14 anos. Xuvenís: basicamente de 14 a 18 anos
Este Calendario é o proxecto básico. Lugares, datas e actividades poden sufrir modificacións. Haberá outras actividades que se publicarán no boletín mensual.

Abreviaturas:  S.(Sección) S.D.(Sección Deportiva) SS.DD. (Seccións Deportivas) FEDME (Federación Española Deportes de Montaña e Escalada)
 FGM (Federación Galega de Montañismo) EGAM (Escola Galega Alta Montaña) FGE (Federación Galega Espeleoloxía) EGE (Escola Galega Espeleoloxía)
 

6-7 e 20-21 novembro.  Curso iniciación

Os días 6-7 e 20-21 de novembro celebrouse o curso de iniciación á espeleoloxía, ao que asistiron como monitores: Javi, Couto, Lourdes, Nacho, Currás e Jesús. Como alumnos participamos: Alberto, Iago, Ramón, Laura, Mónica, Víctor e Guille de GES Celtas, Garri e  Cris de GES Ártabros e Antón e Susana do Cavorcos.
O sábado 6 comezamos cedo pola mañá no club cunhas clases teóricas sobre material, nós e estructura federativa. Despois de comer puxemos en práctica os nosos coñecementos no rocódromo da estación. Ao día seguinte encontrámonos todos na estación de novo para ir á Furna de Santa Marta, en Liméns. Alí fixemos prácticas de vertical nas árbores e na furna.
Na derradeira fin de semana desde primeira hora da tarde comezaron a chegar os participantes ao refuxio de Cobas, na provincia de Ourense. Outros faciámolo xa caída a tarde. O sábado comezamos xa de mañá con clases sobre cartografía e topografía. Pola tarde dividímonos en dous grupos para ir á K1, onde mentres uns topografaban outros faciamos prácticas de vertical e despois cambiamos. O domingo pola mañá elaboramos os mapas da cova cos datos obtidos o día anterior. Pola tarde examináronnos sobre todo o aprendido no curso. En Cobas facía moitísimo frío e a pesares de que estabamos moi abrigados pasamos todo o tempo tremendo.
A valoración do curso non pode ser máis positiva porque ademais do que nos ensinaron e practicamos pasámolo moi ben.

13-14 novembro.  Cortiñas

Dende antes do verán falamos de ir topografar a cova de Cortiñas, e pasou o tempo pero non a idea que esta fin de semana fíxose realidade. Saímos de Vigo cara á cavidade, deixando antes as mochilas no refuxio de Liñares. Fixemos dous grupos e continuamos a tomar as medidas onde quedaran nunha primeira incursión feita o mes pasado. Falta por tomar datos na galería máis alonxada. A galería principal e o labirinto xa están e suman uns seiscentos metros. Alí estivemos os dous días chiscando o ollo polo compás e o clinómetro Tere, Daniel, Carol, Emilio e Lourdes.

27-28 novembro. Xornadas Técnicas e Asemblea da E.G.E. (Cobas) //Garma (Cantabria)

Un ano máis, xuntámonos os monitores da E.G.E., e xa van vintecinco de vida da Escola Galega, con máis ou menos titulados e con máis ou menos actividades. Este ano non foi moi productivo en cursos xa que os que se programaron, na xuntanza similar, o ano pasado non foron do interese dos espeleólogos galegos. Por este e outros motivos, o sábado nas Xornadas Técnicas fíxose unha análise pormenorizada da situación chegando á conclusión de facer un cambio e ofrecer Xornadas Monográficas dunha fin de semana, onde os espeleólogos se poderán ir formando segundo as súas preferencias, sen saturalos de carga horaria, en progresión vertical, progresión en canóns, topografía, autosocorro, xeoloxía, fotografía espeleolóxica... Tamén se propuxo dar contido temático nos Campamentos Galegos, a cargo dos membros da EGE, dunha materia demandada polos espeleólogos. Se sigue na liña de formar principalmente ao colectivo espeleolóxico, deixando unha porta aberta a colectivos alleos para a divulgación unicamente. Os colectivos profesionais non se contemplan no enfoque das actividades didácticas.
As xornadas que se realicen, este ano, o 2005, serán gratuítas para os espeleólogos galegos.
En canto á Asemblea, acordáronse actividades, datas e cotas. Informouse das altas de novos monitores, por entrar a formar parte do cadro docente ou por titulación superior, e todas aquelas cousas que son propias do funcionamento da Escola.
Namentres isto pasaba en Cobas, un membro do Club, Xabier, acompañaba aos nosos colegas do AER a Garma, en Cantabria, a retirar material que quedara alí cando na fin de semana do primeiro de novembro tiveron que pospor nun día a saída da cavidade por crecida e logo saír co posto para alixeirar por mor das obrigas laborais e estudiantís.
A Sección

Espeleonovas
 

>> 17 de decembro: 19'30 horas: Homenaxe aos participantes do Club na 1ª Expedición á Cova do Rei Cintolo. Casa do Libro (Vigo)

>> 8 de xaneiro: Asemblea do Grupo de Exploracións Subterráneas e Cea. Local Social ClubD

>> 15-16 de xaneiro: Xornadas de Progresión Vertical. Mondoñedo

¡Aínda quedan camisetas da Sección á venta, conmemoración do 50 aniversario. Só 6 euros!
 
 

VINDEIRAS ACTIVIDADES

XANEIRO
 8 Monte Aloia Saída de Bioloxía S. Cultura e Medio Ambiente
 14 Local Social Charla e proxección diapos. "Esquí de Montaña" S.D. Esquí
 15-16 Sanabria Camiños Tradicionais S.D. Sendeirismo
 15-16 Mondoñedo Técnicas de vertical S.D. Espeleoloxía
 21 Local Social Proxección dixital: "To Colorado´s Fourteeners" S. Actividades Sociais
 22-23 Trevinca-Vilanova Campamento de Inverno. Macizo de Trevinca S.D. Montañismo
 22-23  Infantil. Achegamento á neve S. Infantil-Xuvenil
 23 Trevinca-Vilanova II Percorrido de Esquí de Montaña "Montañas de Trevinca" FGM - C.M. Celtas
 28 Local Social Proxección dixital: "To Colorado´s Fourteeners" S.D. Montañismo
 29-30 San Isidro (León) Esquí alpino S.D. Esquí
 29-30 (León) Alpinismo - Corredores. Pico Torres S.D. Escalada
 29-30 Mondoñedo Conmemoración 25 Aniversario EGE FGE - EGE
 30  Sendeiro tranquilo. Muiños do Folón S.D. Sendeirismo

FEBREIRO
 4 Local Social Festa do Entroido S. Actividades Sociais
 5-6  Curso Esquí de Travesía FGM - EGAM
 7 Local Social Festa Infantil do Entroido S. Infantil-Xuvenil
 
 

Edita: Club Montañeiros Celtas.
Dirección, maquetación e montaxe: José López Pérez “Sechu”.
Normalización lingüística: Enrique González Cameselle
Colaboran neste número: Isabel Maestu, Chus Lago,
Carolina Rodríguez Domingo, Concha Gilino, Françoise Fauré,
David Jambrina, Pablo Pino, Ana Cid, Lourdes Castiñeira,
Emilio Ballesteros, Guillermo de Oca, Víctor Areal.
 

Club Montañeiros Celtas non comparte, necesariamente, as opinións dos seus colaboradores.
 Imprime: Copy Camelias. Depósito Legal: VG:40-1998.
Impreso en papel reciclado
 
 

Para comunicarse có club, a dirección é info@celtas.net.

Modifiquei esta páxina por última vez en Nadal de 2004.